Adventshock 2022

Wie scho syt Joore het sichs Chörli zum Chlaushock droffe.

Amene rych deckte Tisch mit em obligate Grättymaa hän mir e gmietlige Oobe ghaa. Jede het öbbis z'Brichte gwüsst. Mir hänn aber au an die dänggt wo nit hän chönne derby syy. Bsunders die verschtorbene Chörlibrieder, an Beni Schneider wo jo s'Chörli 1990 gründet het, an Lothar Penski wo is langi Zyt mit der Gyge begleitet het und an Klaus Kissling wo jo das Joor het miese vonys goo.

Es isch nit numme gässe, drunke und glacht worde, ney zwüscheduure het unter der Leitig vom Robert Heimbärg au e mängs Wienachtslied Platz gfunde.

Die Gladene dangge ganz härzlig im Kurt fürs Vor- und Nochbereite und im René für dr Kaffy.